O‘zbekiston Respublikasi Madaniy meros agentligi Y. G‘ulomov nomidagi Samarqand arxeologiya institutida 2024 yilda amalga oshirilgan ishlar yuzasidan yillik hisobot taqdimoti bo‘lib o‘tdi.
2024-yil davomida institut xodimlari tomonidan Respublikasi bo‘yicha 53 ta arxeologik qazuv va qidiruv ishlari amalga oshirilgan.
Ushbu yilda institutda 174 ta ilmiy ishlar nashr etilgan. Shundan monografiya, risola, to’plamlar-5 ta (2 ta xorijda), xalqaro jurnallarda-35 ta (15 tasi Scopus\Web of Science bazasida), mahalliy nashrlarda-43 ta, xalqaro konferensiyalarda-29 ta, mahalliy konferensiyalarda-62 ta ni tashkil etadi.
Samarqand arxeologiya institutida 3 ta Xalqaro, 2 ta Innovatsion rivojlanish agentligining 2 ta granti amalga oshirilib kelinmoqda. Jumladan, xalqaro grant doirasida 2024-yilda Institut qoshida “Arxeologik topilmalarni restaratsiya va konservatsiya qilish” markazi tashkil qilindi.
Tadqiqot ishlarini ommalashtirish, madaniy meros obyektlarini targʻib qilish rejasi-bo‘yicha Bolonya universiteti bilan hamkorlikda Kofirqala yodgorligini arxeologiya parkiga aylantirish loyihasi YUNESKO ga taqdim qilingan. Reja doirasida 2025-yilning kuzida arxeologiya parkini ochilishi koʻzda tutilgan.
Bundan tashqari Koreya madaniy meros agentligi bilan birga “Qizlartepa” arxeologiya yodgorligini arxeologiya parkiga aylantirish borasida konsepsiya ishlab chiqilmoqda. Loyiha doirasida 2026-yilda yodgorlikni arxeologiya parkiga aylantirish rejalashtirilgan.
