Luvrdagi “O‘zbekiston vohalarining mo‘jizalari. Karvon yo‘llari chorrahasida” ko‘rgazmasiga tashrif buyuruvchilar milodiy I asrga oid Dalvarzin xazinasi yoki Dalvarzintepa oltin xazinasi deb ataluvchi boyliklarning bir qismini tomosha qilib, bahramand bo‘lishlari mumkin.
- 1972-yilda Dalvarzintepa qadimiy manzilgohida istiqomat qiluvchi badavlat fuqaroning xonadonida olib borilgan qazilma ishlari davomida umumiy og‘irligi 35 kg.dan ortiq 115 ta tilla buyumdan iborat xazina, shu jumladan, qimmatbaho toshlardan yasalgan marjon, Gerakl tasviri tushirilgan o‘yma naqshinkor ko‘krak bezagi, bilaguzuk, sirg‘alar, to‘lg‘anayotgan yirtqich maxluq gavdalangan kamar, kharoshthi yozuvidagi uzun to‘g‘ri burchakli quyma yombi va ko‘plab boshqa ashyolar topilgan.
- Madaniyat va san’atni rivojlantirish jamg‘armasi tomonidan tashkil etilgan ko‘rgazmada Dalvarzin xazinasiga mansub 34 dona buyum namoyish etilmoqda.
