Samarqand davlat muzey – qo‘riqxonasining xalqlar do‘stligi va diniy bag‘rikenglik ko‘rgazma zalida tashkil qilingan, samarqandlik rassom Namozboy Sultanovning “Ranglarda barhayot an’analar” nomli xotira ko‘rgazmasi tashkil qilindi. Ko‘rgazmada rassom tomonidan ishlangan oltmishga yaqin rang-tasvir asarlari namoyish qilinmoqda.
Mo‘yqalam sohibi oddiylikdan ilhomlanib, ko‘pchilikning nazdida arzimasdek tuyulgan jarayon va holatlardan falsafa topa bilgan, go‘zal va betakror real namunalar yaratgan.
